Azərbaycan yeniyetmə qılıncoynadanlarının Ankara uğuru Türkiyənin paytaxtı Ankarada keçirilmiş Dünya Uşaq Oyunlarından xoş xəbərlər almışıq.Dünyanın 90 ölkəsindən 3 min idmançı 13 idman növündə yarışaraq mükafatlar uğrunda mübarizə aparıblar.Azərbaycan Dünya Uşaq Oyunlarında uğurla təmsil olunub.
Yeniyetmə cüdoçularımız həmyaşıdları ilə mübarizədə parlaq qələbələr qazanıblar.Elnur Məmmədlinin dəvamçıları ölkəmizə 7 medal gətirmişlər ki,onlardan ikisi qızıl,biri gümüş,dördü isə bürüncdür.
Ankaranın möhtəşəm idman salonunda Azərbaycan güləşçiləri də Türkiyəyə əbəs getmədiklərini sübut ediblər.Güləşçilərimiz 2 qızıl, 2 gümüş və 1 bürünc medalla Vətənə qayıdıblar.
Daha bir xoş xəbər yeniyetmə qılıncoynadanlarımızla bağlıdır. Zəngin ənənələrə malik olsa da, son illərdə uğurlarına sevinmədiyimiz qılıncoynadanlarımızın hazırda istedadlı davamçıları yetişməkdədir.Dünya Uşaq Oyunlarında rapira növündə mübarizə aparan qızlarımız komanda hesabında 3-cü yeri tutublar. Fidan və Aydan Hüseynovalar və komandanın kapitanı Məryəm Məlikova üçlüyü bürünc medallara layiq görülüb ,Azərbaycan bayrağını qardaş Türkiyənin paytaxtında ucaldıblar. Burada təcrübəli rapiraçı "FENCİNG" İdman klubunun baş məşqçisi Asəf Məlikovun gərgin zəhmətini qeyd etmək yerinə düşər. Azərbaycan rapiraçılarının uğurlu çıxışı qardaş ölkədə sevgi ilə qarşılanıb. Xatırlatmaq istərdik ki, keçən il Türkiyənin İstanbul şəhərində keçirilən daha bir mötəbər yarışda Məryəm Məlikova bürünc medal qazanıb.
İstedadlı idmançı məktəbliləri Dünya Uşaq Oyunlarında qazanılmış qələbəyə görə təbrik edirik.
|